English
Shqip
Departamenti i Arkitekturës dhe Dizajnit
Vizioni i Departamentit bazohet në një analizë të të gjithë specifikave profesionale, kërkesave të tregut dhe kërkesave për një zhvillim të qëndrueshëm. Rezultatet e kësaj analize udhëheqin misionin dhe vizionin e Departamentit nëpërmjet një edukimi të lartë të integruar dhe multi-disiplinor. Formimi i një arkitekti duhet të përfshijë aftësitë profesionale dhe teknike për të ndjekur në tërësi procesin arkitektonik dhe ndërtimor të një objekti në çdo fazë të tij. Një nga themelet e formimit bazëështë njohja e kontekstit në të cilin ai projekton dhe ku integrohet vepra e tij .
Arkitektit , gjatë formimit të tij , i jepen të gjitha mjetet për të lexuar në mënyrë kritike dhe efikase realitetin në të cilin jetojmë. Njohuritë e përgjithshme dhe specifike për të gjithë elementët e kontekstit urban si , trashëgimia kulturore-historike, mjedisi natyror, psikologjik dhe social etj që ai merr gjate studimeve ndihmojnë në formimin e tij si arkitekt për të projektuar më vonë mjedise të qëndrueshme.
Bachelor
Programet e ciklit të parë të studimeve Bachelor janë 3 vite akademike, me ngarkesë 180 kredite. Programet e integruara janë 300 ose 360 kredite dhe kohëzgjatja normale është 5 ose 6 vite akademike.
Master Shkencor
Programet në ciklin e dytë të studimeve Master i Shkencave janë 2 vite akademike dhe me ngarkesë 120 kredite.
Master Profesional
Programet në ciklin e dytë të studimeve Master Profesional janë me 1 ose 2 vite akademike dhe me ngarkesë 60 ose 120 kredite.
Diploma Profesionale
Programet me karakter profesional janë deri në 2 vite akademike, me ngarkesë deri në 120 kredite.
* : Programi i integruar 5-vjeçar "Master i Shkencave"
** : Program që do të aktivizohet së shpejti
PhD. Ark. Etleva DOBJANI
LektorPërgjegjëse e Departamentit të Arkitekturës dhe Dizajnit
Msc. Ark. Brunilda BASHA
Asistent LektorKoordinatore e Departamentit të Arkitekturës dhe Dizajnit
